Ujaasinermi nassaarineqartut

Uani paasisaqarfigikkit naliginnaasumik fagit, ilikkagassatut pilersaarutit, misilitsinnermut allaatigisat aammalu atuartitsinermut isumassarsiorfiit.

Ilinniartitaanermut aqutsisoqarfimmi teknologiit atuartitsinermi atorneqarsinnaasut uani qimerloorsinnaavatit. Nittartagaq ataavartumik nutarterneqarpoq.

3D printeri maskiinaavoq ilutsinik tredimensionaliusunik plastikki atorlugu printerisinnaasoq. 3D-mik ilusilersuinermi programmi akeqanngitsoq atorneqarsinnaavoq, tinkercad.com tinkercad.com-imut 3D printerimullu Ultimakerimut ilitsersuutit ataani aasinnaavatit.

Film X animation appiuvoq akeqanngitsoq, atoruminartoq meeqqanullu naleqquttoq. Film X atorlugu atuartut animationiliornissaminnut periarfissaqarput. Appi iluaqutigalugu atuartup atortussiat inuttallu uummartissinnaavai, oqaluttualiorlunilu aalatitsinermini, nipilernerani assitaliinermilu. Film X pillugu paasisaqarnerugit atuartitsinissannullu fagimut tunngasunik isumassarsiorlutit.

Bluebot robotiarannguuvoq programmeeriinikkut aqussinnaasat. Aqussinnaavat bluebot-app atorlugu imaluunniit toortakkat qatigaaniittut toortanerisigut. Bluebotip nikinnerit 40-t tungaanut eqqaamasinnaavai, attartuinermilu USB-kabeli ilaasoq atorlugu immersortagaalluni. Paasissutissat amerlanerusut bluebot pillugu videuliami takukkit. Bluebot atorlugu sammisassat PDF-inngorlugit ataani aasinnaavatit.

Book Creator app-iuvoq atuartut atuakkiornermi atorsinnaasaat. Atuakkiorsinnaapput allannertalimmik, assitalimmik, videulimmik, nipilimmik, namminerlu titartakkaminnik.  Atuartitsinermi Book Creator qanoq atorneqarsinnaaneranut siunnersuutit ataani takusinnaavatit. Siunnersuutit ilinniartitsisunit Kalaallit Nunaanni atuarfeqarfinni sulisuniit pilersitaapput. Siunnersuutit illit nammineq Book Creatorernut nuunnissaanut videu ajoqersuut takusinnaavat.

Code-a-pillar robotiuvoq qullugiatut isikkulik programmeeriinikkut aqussinnaasat. Aqussinnaavat atortui ikkussuuttakkat ikkussornerisigut. Attartornermi atortut ikkussuuttakkat arfineq-pingasuusut ilaapput. Illit nammineq atortui ikkussussavatit taamaasillutillu aalajagersinnaallugu qullugiaq qanoq sumullu ingerlassanersoq. Code-a-pillar aammalu programmeeriineq ilikkarluarusukkukkit taava appstoremi akeqanngittumik app-eq aaneqarsinnaavoq. App-eq tuluttuujuvoq, tuluttullu oqaaseqalernissamut aamma ilikkarsaataalluni. Paasissutissat amerlanerusut code-a-pillar pillugu videuliami takukkit. Code-a-pillar atorlugu sammisassat PDF-inngorlugit ataani aasinnaavatit.

Dash & Dot robottiupput marluk programmeerersinnaasatit. Dash robottiuvoq angisooq aqussinnaasat, taannalu sanguffinnut tamanut ingerlasinnaavoq, niaqquni kaajallatsissinnaavaa, qulleerai ikissinnaapput, nipiliorsinnaavoq aammalu Dot takusinnaallugulu tusaasinnaavaa. Dot tassaavoq robotti mikineq aalasinnaanngittoq maluginiutinilli ulikkaartoq. Dot-ip Dash takusinnaavaa namminerlu aalanini malugisinnaallugu "accelerometer"-eqarami. Attartornermi Dash & Dot-it pingasuusarput USB-kabilimillu immiutit ilaallutik. Paasissutissat amerlanerusut Dash & Dot pillugit videuliami takukkit.Dash & Dot atorlugit sammisassat PDF-inngorlugit ataani aasinnaavatit.

GraphoGame interneti atorlugu spiliuvoq kalaallisut atuarnermut ilinniut atuartullu piginnaasaasa annertusiartornerat malillugu nalunassutsimigut qaffakkiartortuusoq. GraphoGame ulluinnarni atuartitsinermut qanoq atorneqarsinnaanera pillugu maani paasisaqarsinnaavutit.

Green Screen atornissaanut annoraamineq qorsuk atorfissaqartippat. Taassuminnga annoraaminermik app-imillu atuillutit sumilluunniit tunuliaqutsiillutit assiliillutillu filmiliorsinnaavutit. Paasissutissat amerlanerusut Green Screen pillugu videuliami takukkit. Green Screenimik atuilluni sammineqarsinnaasut allattorsimaffiat PDF-iusoq matuma ataani aasinnaavat.

iMovie appiuvoq filminik passussinermut, toqqorsinermut takutitsinermullu atorneqartartoq. iMovie atorlugu atuartut filmiliaminnik killuillutillu, nipitalersuillutillu, allagartalersuillutillu, assiliartalersuillutillu allanik aaqqiissuteqarsinnaapput. iMoviemi aamma green screenimik, filmiliap tunuliaqutaanik allannguinissamut periarfissiisumik, atuinissaq periarfissaavoq.

”Lad os kode” (kodililiorta) pinnguaataapput analogimik kodiliornermut ilinniarnermi atugassaasut, tassa isumaqarpoq eletronikkinik ikiorteqarani kodiliornermut ilinniarnermi atugassaasut. Pinnguaatit kodiliornermut programmiliornermullu ajornaatsumik ilisarititsipput. Pinnguaatillu taakkua imaraat allungiartorfiusat 20-t assigiinngitsunik sisamanik qalipaatillit, kortit koditallit 20-t kiisalu pinnguaatit atortui assigiinngitsut qulit. ”Lad os kode”-t atorlugit sammineqarsinnaasunut siunnersuutit PDF-imiittut ataani pissarsiarisinnaavatit.

Probot biiliuvoq kallerup-innitortoq programmeerersinnaasat. Programmeeriisinnaavutit toortakkat biilimiittut toortarneratigut, taamaattumillu qarasaasiaqaqqaarnissat pisariaqarani. Tussi biilimut ikkunneratigut aqqutissat ilutsilluunniit titartarsinnaavatit. Attartuinermi USB-kabeli ilaasoq atorlugu biileeraq immersortagaavoq. Paasissutissat amerlanerusut probot pillugu videuliami takukkit.Probot atorlugu sammisassat PDF-inngorlugit ataani aasinnaavatit.

Foliamik qiortaat ScanNcut skannerutaallunilu qiortaataavoq soqutiginarluinnartoq. Marloqiusamik atorneqarsinnaanera pissutigalugu assinik qiortarneqareersunik, pappialamut titartakkanik, digitalimik titartakkanik, assilissanik, titartakkanik titartaasaannagaasunik (skitse), katitikkanik (patchwork) allarpassuarnillu suliaqarnissaq periarfissaavoq. Malugiuk ScanNcut attartornerqarsinnaanngimmat, atuarfeqarfiilli namminneq akiliinikkut namminnerlu piniarnikkut pissarsiarisinnaammassuk. ScanNcut pillugu PDF-imi paasisaqarnerusinnaavutit.

Scratch akeqanngittuuvoq on-linekkut programmi, atuartut ajornanngittumik kodiliornermut ilikkarnissaannut pilersitaq. Atuartut kodiliorlutik oqaluttualiorsinnaapput, pinnguaasiorsinnaapput, animationiliorsinnaallutillu, suliatillu allanut agguaassinnaallugit. Scratch atorlugu kodiliorneq legonik ikkussuinermut assiguvoq tassami kodip sananeqaatai ikkussortagaagamik legotut. Scatchimi atuisutut kontotaarnissamik ilitsersuut, atuartitsinermilu sammisassatut siunnersuutit PDF-inngorlugit aasinnaavatit.

ScratchJr appiuvoq akeqanngitsoq atuartut nukarliit oqaluttuaaraliorfigisinnaallugulu blokkinik kodiliorfigisinnaasaat. Atuartut blokkinik ikkussuillutik inuttat aalatittassavaat, pissitsittarlugit, qititsittarlugit erinarsortittarlugillu. Aamma oqaatsiminnik nipinillu immiussisinnaapput. Appimi ScratchJr-ip atornissaanut ilitsersuuteqarpoq. ScratchJr-imi suliassat PDF-iutillugit ataani aasinnaavatit.

Wearable teknologii elektronikkiuvoq illit timinniitissinnaasat. Teknologiit timimiitinneqartartut, wearablesinik taaneqartartut, tusarsimanngikkaluarukkilluunniit qularnanngilaq tamakkua ilagisaannik arlalinnik pigisaqareersimassasutit. Tamakkumi tassaasinnaapput høretelefonit, nalunaaqqutaaqqat smartwatchit aamma timersornermi passimmiorineqartartut fitnessarmbåndit. Teknologiit timimiitinneqartartut siunissami iluaqutaalluassangatinneqartupilussuupput. Pingaartumik peqqinnissaqarfinni napparsimasut nappaataasa nassaarineqartarnissaannut suussusersineqartarnissaannullu iluaqutaallualivissangatinneqarput. Malugiuk teknologiit timimiitinneqartartut atukkiunneqarsinnaanngimata, atuarfiilli namminneq pisiarisinnaammatigit.